Við erum komin í nýtt húsnæði, tökum vel á móti ykkur í Axarhöfða 14,110 Reykjavík
UM OKKUR
Það er einfalt og þægilegt að panta barnabílstól hjá okkur, hvort sem er til skamms tíma eða lengri tíma. Öruggur barnabílstóll er nauðsynlegur í alla bíla þar sem börn eru farþegar,
hvort sem er í bíl mömmu, pabba, afa eða ömmu. Það er ekki óalgengt fleiri en einn barnabílstóll fylgi hverju barni og getur þá verið þægilegt að fá góðan stól sem uppfyllir alla öryggisstaðla til leigu gegn vægu gjaldi.
Öryggi
Öflugt eftirlit
Barnabílstólar sem koma úr leigu eru vandlega yfirfarnir áður en þeir fara í leigu á ný af sérhæfðu starfsfólki sem hafa fengið vottun frá BeSafe. Komi í ljós minnsti galli eða slit á burðarvirki stólanna eru þeir umsvifalaust teknir úr notkun. Öflugt eftirlit tryggir að barnið njóti ávallt fyllsta öryggis.
Hreinlæti
Sótthreinsun & þvottur
Farið er eftir ströngum vinnureglum þegar kemur að þrifum og yfirferð barnabílstóla okkar og hefur starfsfólk fengið þjálfun og leiðsögn frá framleiðenda BeSafe. Þegar barnabílstól er skilað til okkar þá er hann þrifinn og sótthreinsaður. Stóllinn er grandskoðaður og vandlega yfirfarinn með tillit til skemmda og álags. Sé einhver vafi á öryggi stóls er honum fargað.
Þjónusta
Uppsetning & kennsla
Við leggjum áherslu á að veita viðskiptavinum okkar góða og faglega þjónustu og leggjum okkur fram við að afgreiða pantanir eins fljótt og mögulegt er. Mikilvægt er að fara eftir leiðbeiningum sem fylgja stólnum þegar festa á hann í bílnum. Hér á vefsíðu okkar er að finna myndband með leiðbeiningum. Óski viðskiptavinur eftir því að fá aðstoð við að festa barnabílstól í bílinn þá er sú þjónusta að sjálfsögðu fyrir hendi. Einnig bjóðum við upp á sýnikennslu í afgreiðslurými okkar á opnunartíma.
Sveigjanleiki
Bílstólaskipti
Barn þarf þrjá barnabílstóla á þroskaskeiði sínu, svo að hámarksöryggi sé tryggt og öryggisbúnaður henti stærð barnsins. Leiga á barnabílstólum okkar er hagkvæm og örugg lausn og auðvelt er að skipta stólnum út eftir því sem barnið stækkar.